بس وحياة اللي فات

كل شىء راح راح وانقضى
واللي بيننا خلاص مضى

بس وحياة اللي فات واللي أصبح ذكريات
عمري ما حبيت ولا اتمنيت غيرك انت
غيرك انت يا حبيبي يا حبيبي
***
أيوه وحياة اللي كان بيننا وراح
واللي مش قادرة اصدق انه راح
عمري ما انشغلت عنك حتى لما زعلت منك
غصب عني قلبي خدني وراح يصالحك
غصب عني قلبي فاتني وراح مسامحك

بس وحياة اللي فات واللي أصبح ذكريات
عمري ما حبيت ولا اتمنيت غيرك انت
غيرك انت يا حبيبي يا حبيبي
***
أيوه وحياة اللي كان بينا وضاع
واللي ما اعرف كان لقا ولا وداع
قلبي كان وياك في بعدك
زي ما كان لك في قربك
بكرا تندم لا يا رب في يوم ما تندم
حب وافرح بس أوعى تاني تجرح

بس وحياة اللي فات واللي أصبح ذكريات
عمري ما حبيت ولا اتمنيت غيرك انت
غيرك انت يا حبيبي يا حبيبي