انا زاد همي ياالغضي يوم جيت تروح
ودمعي تنثر فوق الأوجان همالي
ابخفي دمعي ما قدرت اخفي المفضوح
تحدر غصيبة لين كل ٍ عرف حالي
وانا حالتي صعبه وقلب العنا مفضوح
الاقي قريب ٍ صدفة ٍ صار عذالي
اخذت الفؤاد بصحبتك يا لطيف الروح
وانا قبل اعرفك من الهوى داله ٍ سالي
اخذت الفؤاد وسبتني بالثرى مطروح
وزولك ملكني يا بعد كل الأزوالي
انا في هواكم مّولّع وتايه ومجروح
وانا من هواكم لاهب ٍ جسمي الصالي
الا ياذا الغضي اعطف ترى قربكم مملوح
انا بقربكم ارخصت انا الحال والمالي
انا لا ذكرت اللي مضى من فرح ومزوح
يزيد اللهب في القلب وتتغير احوالي
انادي انادي كم انادي بلا مصلوح
سهرت الليالي ماآهتني النوم يا الغالي