سلام لله

سلام لله يا قاسي .. ملي حتى سلام
حرام الهجر يا ناسي .. وذي الكبره حرام
و ليش تتكبر وأنا سلمت لك قلبي
وتتنكر وأنا أوهبت لك حبي
وعادك تمشي من جنبي ولا حتى سلام
والسلام لله

أنا ان كنت ما حبك .. ولا أتمنى لقاك
ما با عاتبك مرة .. ولا باطلب رضاك
وتسخى بي وأنا اللي بعت لك عمري
ولا غيرك خطر مرة على فكري
اذا أنت قد نويت هجري يكفيني سلام
والسلام لله

أنا أحبك ومش ناكر .. بأنك كنت تهواني
ومالك قمت في الآخر .. تجافيني وتنساني
وأنا ما أذكرش اني يوم من الأيام جافيتك
ولا مرة تجاهلتك أنا من يوم ما حبيتك
كذا تنسى ليالينا وتستكثر سلام
والسلام لله

أنا اللي لا تذكرتك .. وأنا منك بعيد
تسيل الدمعة من عيني .. وشوقي لك يزيد
وتتسلى بتعذيبي وحرماني
وأنا صابر على سهدي وأشجاني
وقصدي لو توصي لي مع النسمة سلام
والسلام لله