إبعد بعيد هناك ما تعرف الحب
إرحل ترى ماهوب هذا مكانك
خل الحكي عني وخلك على جنب
ماعاد تخدعني حلاوة لسانك
لا عاد ترجيني ولا تطلب القـرب
ما صرت مثل أول أدور حنانك
ألوم نفسي يوم سلمتك القلب
والا إنت ما تستاهل أتعب على شانك
مالك علي شرهة ولا لك علي درب
ياما نصحتك لا تحطم كيانك
غلطتك يا شاطر ودور لها طب
لا تحسب إني رهن إشارة بنانك
حطيت نفسك ليه في الموقف الصعب
عاتب ضميرك لا تعاتب زمانك
إتعب مثل ما كنت من حبك اتعب
إتعب كثر ما كنت أنا أتعب على شانك