استحاله الميّه تخلص م البحور
واستحاله الشمس ماتبعتش نور
واستحاله العطر ينشف م الزهور
واستحاله ينتهي من قلبي حبك
وانت نبض القلب والروح والشعور
امنع ازاي قلبي ما يشتقش ليك
امنع ازاي بالي مايفكرش فيك
امنع ازاي عيني ماتحلمش بيك
استحاله زي ما هي استحاله.. ان يوم الميّه تخلص م البحور
مش بايدي انسى ايام السعاده
مش بايدي د الهوى ماهوش اراده
مش بايدي مهما كان
مهما غيرت المكان
مش ح اغير احساساتي
او ح اغير ذكرياتي
او ح اغير ف الزمان
انسى مين؟ هو انت حبك حب عادي ولا عابر في طريقي
انسى مين؟ دانت بين روحي وفؤادي نعمه الحب الحقيقي
امنع ازاي قلبي ما يشتقش ليك
امنع ازاي بالي مايفكرش فيك
امنع ازاي عيني ماتحلمش بيك
استحاله زي ما هي استحاله.. ان يوم الميّه تخلص م البحور