خجول حتى يستحي من ظلاله
ومنالخجل كنه من الناس خايف
ورده ومن قد شاف بالورد خاله
مكانها بالضبط جنب الشفايف
يناس والله ما يوصف جماله
حاولت لكن مالحسنه وصايف
ما يشبه لمخلوق يشبه لحاله
حاولت الاقي بس ماني بشايف
يظهر مع زينه غنجه ودلاله
فيه الدلع اصلي ولاهو بزايف
ما حد كمل بس هو وافي كماله
كنه مع كل المحاسن ولايف
ان التفت للناس يكسب جماله
وان ما التفت يمكن على الناس رايف
محسب احد بالصف احسب ظلاله
اللي معه يمشي ولاهو بخايف