قلبٍ يحبك يا هناه وربيعه
لا غبت عنه شوي زاد التياعه
والعمر موحش والليالي مريعه
قبلك واحسب ان الثواني بساعه
واللي مضى قبلك بالأيام ضيعه
من يوم انا طفلٍ بسن الرضاعه
شفتك وحبيتك وصارت طبيعه
وماعاد عندي عنك صبر ومناعه
دنياي صارت في عيوني وسيعه
حظي معك هب السعد في شراعه
لو زين كل الناس جاني جميعه
صديت ومالي غير قلبك طماعه
حبك ملك قلبي وما قلت اطيعه
ومن عادتي ما اقول سمعٍ وطاعه
وسرك عيوني للهدب ما تبيعه
يا صبح عمري يا بشاير شعاعه
اليوم وامس وكل يوم وتبيعه
ما هم قلبي غير حبك ولاعه
كنه مثلك كيف يقدر يبيعه
الموت اخف من القهر في وداعه
ومن عاش مثلي في مراتع ربيعه
ينسى عناه وعبرته والتياعه