(212) مشاهدة
ادي الحياه
أدي الحياه وهوا ده طبع الحياه
ننسى إللي قلنا مستحيل ننساه
مين كان يصدق يجي يوم تنساني من كان يصدق إني ح أبدأ تاني
بس الأمل والرغبة في المجهول
خلو الحياة تحلو مهما تطول
وأدي الحياه
أنا أول يوم في بُعدك اتصورت إني بَعدك مش ح أقدر أعيش ثواني
شفت غيابك نهاية للعالم والحكاية يخلص بيها زماني
صاحبت الليل وسهره قمر مش لاقي قمره ولا لاقي النجوم
وأفكر في الحكاية واستغرب ع النهاية وأعيشها كل يوم
لوحدي باستنى بطلب وباتمنى ترجعلي بعد غياب
لكن غيابك طال ولا كانش يوم ع البال يبقى إللي بينا سراب
وأدي الحياة
مرت شهور قليلة لكن كانت طويلة على قلب خدته معاك
لقيتني بحاول أهرب وأعيش تاني واجرب إني في يوم أنساك
كان صعب في البداية أسيب حبك ورايا وأطفي في قلبي نارك
لكن أملي في بكرا أقوى من أي ذكرى ومن يأس انتظارك
لقيتني بانسى هواك وإللي جرالي معاك
وأعيش حياة تانية
وبدأت من تاني مع حبيب تاني وهيا دي الدنيا
أدي الحياة