هلي دموعك يا عيوني ... خبريني وش انتي في رجاه
العين تبكي من توده ... شوف مضنونك الغالي صعيب
وا كبر همي وا غبوني ... وا غرابيل قلبي وا عناه
يا ويل من بيح بسده ... ناعم العود مقطوع النصيب
البيض يخلفن الضنوني ... وانشد اللي هوى خله طواه
سود الليالي مستعده ... غصب تفرق حبيب ٍ من حبيب
يا زين فكر ويش لوني ... يا حياة الندامه هالحياة
كني عليل ٍ من الموده ... علتي ما يداويها الطبيب
يا نور عيني شطروني ... عنك والقلب عود في عماه
قلبي من الفرقا بشده ... حسبي الله وهو نعم الحسيب
الموت من دونك ودوني ... ليت كل ٍ يخلى في هواه
ليت التمني لي يرده ... والتمني لقيته ما يفيد
يالله عسى الكايد يهوني ... ويصبح الحظ يومي بالعباة
كل ٍ يصير غطاه قده ... لا يشيب الولد قبل المشيب
اللي على ذبحي يموني ... يحسب
الله يخون اللي يخوني ... وكل خاين ترى هذا جزاه
وإلى ذكرت اشقر يكده ... فوق متنه دريت إني مصيب
ماغير تدرجلي شطوني ... لين سدي توصل منتهاه
للي كما القنديل خده ... ابعدوبه عقب ماهو قريب