انا ويلي و بعد ويلي و يا ويل
طرف واحد يحب ياذا الاذيه
انا احبه ونعم اهواه بالحيل
وهو لاهي ولا يسأل عليا
على بابه امر و احوم بالليل
مثل حوم الفراشة على الثريا
انا حالي كما الغرقان بالسيل
اصوت له ابي ياخذ بايديا
انا همي طفح و زاد بي الكيل
وانا توها بعد روحي طرية
انا منك ابي بالحب تجليل
وابي يا سيدي منك الرعية
انا لغيره ابد يا ناس ماميل
ولو مال الزمن كله عليا
اهو روحي ولا للروح تبديل
وهو كل العمر واكثر شوية