الكلمة اللي تحز ف خاطرك قلها
وش فيك تسكت وتندب حظك العاثر
ياصوت ضج بخطايا الوقت واشعلها
لا تترك الصمت يرحل فيك ويسافر
دروبك اللي تضمك لا تجاهلها
ازرع بها النور واترك ليلها عامر
لا تنفض ثياب صبرك وأنت فأولها
يمديك تنفض غبار القاع وتهاجر
السالفة لا تبات جروحنا ولهى
تراك ريف الجروح وضيقة الخاطر
ان جبتها للنوايف فأنت طايلها
وان عوّدت للخفايا معدنك طاهر
لو شحّت نجوم ليلك لا تحايلها
لا ترجي الليل نجمه والقمر باكر
تنتظرك أشياء كثيرة ما تخيلها
بعد التعب مالك الا طيبة الخاطر
السالفة لا تبات جروحنا ولهى
تراك ريف الجروح وضيقة الخاطر
ان جبتها للنوايف فأنت طايلها
وان عوّدت للخفايا معدنك طاهر